Fiji time – what is Fiji Time ?

It's Fiji Time !

一種慢活的節奏,樂觀的生活態度

“It’s Fiji time.” 喺斐濟,經成都聽到呢句話。呢句話,其實同時區時差無關,而係斐濟人嘅時間觀念,亦係佢哋嘅生活態度。


Say Bula to everyone

斐濟人生活好簡單,唔富裕,但佢哋樂天知命,友善好客。見到陌生人,總會講聲Bula (Hello的意思),揮下手打招呼,笑容大放送。當斐濟人見你個樣好心急、好緊張,佢哋就會提提你 “Fiji time” “Fiji time”,即係叫你慢慢來,relax放鬆啲。


慢下來,心態也改變

香港人習慣快快快,斐濟嘅慢活人生,我哋點會咁易適應! 不過,當你日日都聽到 “Fiji time”,仲要聽到好多次,就會好似俾人洗咗腦咁,個人真係會慢慢放鬆。

好似小編咁,原本諗住去參觀南半球最大印度廟,點知去到時發現工程進行中,無得影寺廟最宏偉既一面。俾著平時嘅我,一定燥底,但嗰一刻,我心情出奇地平靜。喺“Fiji time”嘅氛圍下,Yeah!原來我都可以好冷靜,可以好好感受下周遭的環境。


盡情放鬆,享受當下

要繼續實行“Fiji time”嘅理念,當無行程時,小編就喺酒店hea下,索性掟開手機,連手錶都唔戴,話知幾多點,想游水就游水,想食飯就食飯,想瞓覺就瞓覺。呢種感覺,真係從未試過咁放鬆,我好想大聲叫:「阿媽,我得咗啦﹗It’s Fiji time!」


【Fiji Time】遊走Nadi私密景點


上天下海 盡在Fiji

Fiji斐濟酒店推介 Radisson Blu

家庭首選

位於丹娜努Port Denarau,酒店U字型設計,中間是以熱帶雨林為主題的泳池及嬉水池和SPA館;連接Denarau海灘,可以享受無邊際日落景色。

想了解更多,請與我們的旅遊顧問聯絡:2313 9800