Fiji斐濟 – 試玩最新Malamala Beach Club

Malamala Beach Club

HOT! The newest beach club in Fiji

去斐濟,梗係要盡情享受陽光海灘﹗小編去咗Malamala beach club 玩大半日。呢個beach club,上年先正式開業,係全球第一個坐擁成個私人小島嘅beach club,交通便利,主島嘅Denarau碼頭更有免費接駁快船,船程唔使半個鐘。


處處都是打卡點

落船第一眼就見到長長嘅碼頭,藍天白雲木棧道,絕對係打卡熱點。島上一樣有人數限制,絕對要令遊客有一個enjoyable moment!


動靜皆宜,大人小孩也盡興

呢個beach club動靜皆宜。愛玩水上活動嘅,可以任玩浮潛、獨木舟、直立板,入場費包埋㗎﹗

如果好似我咁,鍾意享受悠閒,可以搵張沙灘椅,攤喺到望住個清到透底嘅海,聽下音樂,真係好舒服。呢到仲有個無邊際泳池,喺池邊浸下水,嘆番個椰青,爽丫丫啊﹗


海濱小屋

想有啲私隱,可以租番間海濱小屋,情侶享受下浪漫又得;一班朋友盡情hehehaha唔驚嘈到人。海濱小屋包埋管家服務,有乜需要就call管家,好貼心。


名廚坐鎮的小島

去Malamala beach club仲有一個重要原因,因為呢到有獲獎無數,享譽南太平洋嘅大廚 Lance Seeto坐陣,佢設計嘅菜單融合南太平洋同國際風味。


驚喜的5 Course Lunch

我就品嚐咗5道菜fine dining,賣相靚,味道好,當中我最like嘅一道菜:海鮮配蟹肉薯波,所有海鮮都超鮮甜爽口,而薯蓉配蟹肉,更出奇地夾。由於當時餐廳正舉行茶葉推廣活動,所以每道菜均奉上特色凍茶1杯,冇諗過除咗酒,原來fine dining可以同茶咁夾。呢餐大滿足啊﹗盛惠港幣300蚊,超值﹗


【Fiji Time】Malamala beach club

環境靚,服務好,餐飲由輕食至fine dining都好掂,絕對令人樂而忘返。

上天下海 盡在Fiji

Fiji斐濟酒店推介-Treasure Island Resort

全島都屬度假村範圍,島上最多只招待150位客人,私隱度高

想了解更多,請與我們的旅遊顧問聯絡:2313 9800