Fiji斐濟 Treasure Island度假村

小編最近獲Fiji Airways邀請去斐濟玩9日，呢個世外桃源，真係令人好放鬆，活動亦多姿多彩，我會陸續同大家分享下所見所聞。

度假村每日有兩個時段俾住客餵海龜，佢哋至愛吞拿魚，瘋狂搶食﹗點解個島會有咁多海龜？保育員話，海龜好鍾意游到呢個島產卵孵蛋。當保育員發現啱啱孵出嘅小海龜，就會帶到海龜池照顧，等小海龜強壯啲，約1至2歲大，就會放生。

島上另一亮點係瀕臨絕種嘅斐濟鬣蜥。保育員話我知，鬣蜥風度翩翩，唔咬人，淨係食花。我鼓起勇氣抱佢，佢放鬆時，身體軟綿綿，好好feel。點知，佢突然變硬，極速掙脫，跳上我頭頂，嚇死我﹗

島上動物多，好有生氣，但一啲都唔嘈雜，因全島只限150位人客。晚上嘅沙灘好寧靜，抬頭一望，全個天空都係星星啊﹗真係好靚﹗

相信鍾意大自然同動物嘅朋友，一定會鍾意Treasure Island Resort。