新加坡好玩好食推介

至Chill烹飪學校

新加坡 Culinary On 烹飪學校環境寬敞,除咗有特大開放式廚房之外,仲有個落地大玻璃,喺日光之下煮飯非常relax! 佢地嘅教學課程會於三個鐘內煮三道菜式,包括兩個主菜同埋甜品!


CulinaryOn: Cooking Classes

CulinaryOn: Cooking Classes

當你有少少淆底,驚煮三個鐘頭會辛苦嘅時候,Culinary On就話你知煮嘢食其實都可以好chill,因為烹飪學校入面有個酒吧,提供 Free drinks/Juices俾學員,鐘意Hea下嘆下茶先再煮亦得,成個過程完全符合佢地推崇嘅Cooking is Fun精神!!


Culinary Kitchen

地址: #04-63, Tower 2, One Raffles Place, Singapore 048616

另外,六位或以上已經可以包場搞各類型Party或者大型Event!唯一要注意,導師只係講英文呀~


老字號薄餅Fusion

陪伴新加坡人成長嘅老字號有郭源發薄餅,佢地已經有七十幾年歷史,而人氣薄餅並唔係我地平時食嘅西式pizza,而係比較中式嘅「潤餅」!


Kway Guan Huat Joo Chiat Popiah

地址: 54 Joo Chiat Place, Singapore 427778

薄餅皮堅持人手製作,皮薄柔軟又有彈性,加埋菜脯丶生菜丶芽菜丶花生碎同埋特製甜醬辣醬,口感豐富,令人回味無窮! 食客仲可以自備鐘意嘅食物,自創薄餅Fusion,唔知加埋手撕海南雞會唔會有食神出黎大叫〜好好味〜呢?


潮聖海鮮大餐

Keng Eng Kee Seafood 瓊榮記海鲜

嚟到新加坡,海鮮當然係非食不可啦! 瓊榮記海鮮喺祖屋入面,裝修同環境都好似香港大排檔,平民美食CP值絕對高,價錢公道,味道又好~


辣椒炒蟹,集甜丶酸丶辣於一身

瓊榮記海鲜
地址: 124 Bukit Merah Lane 1, #01-136, Singapore 150124

必試特色招牌菜係黑胡椒炒蟹,而鐘意食辣嘅朋友就唔可以錯過辣椒炒蟹,集甜丶酸丶辣於一身,層次豐富,超級惹味,撈飯一流呀!


挑戰「暗黑」料理

喺NOX Dine in the Dark食晚餐全程好似一個Mission,因為事前唔知道有咩食,只可以跟據佢地嘅指示摸黑上樓梯,去到用餐位置坐低。然後,要係漆黑一片嘅環境,慢慢摸索返要用嘅酒杯餐具,尋找枱上面嘅四道菜!


專注用味覺去感受一下

不過唔洗驚,開始之前會有職員同你講解,教你點樣做,你可以飲杯野慢慢聽清楚要注意嘅事項。

成餐飯所有發光嘅物品例如手提電話,手錶都唔可以跟身,真係求救無門呀!過程雖然好騰雞,但係又覺得非常有趣,可以專注用味覺去感受一下食物,係一個令人難忘嘅體驗!最後,工作人員會再開估話你知頭先吃咗咩!


NOX - Dine in the Dark

地址:269 Beach Road, Singapore

餐廳最特別嘅地方係佢地嘅侍應生都係視障人士,而且服務態度超讚又細心,大家不妨去Dine in the Dark體驗一下失明人士嘅漆黑生活啦!


想了解更多,請與我們的旅遊顧問聯絡:2313 9800